Во март годинава во земјава се регистрирани 47.490 туристи, од кои 32.5% се домашни туристи, а 67.5% се странски, соопшти Државниот завод за статистика.
Бројот на ноќевањата во март изнесува 94.985, од кои 36.4% се од домашните туристи, а 63.6% од странските туристи.
Во периодот јануари – март 2023 година, во однос на истиот период од претходната година, бројот на туристите е зголемен за 14.9%. Кај домашните туристи има намалување за 7.4%, а кај странските зголемување за 35.1%.
Во првиот квартал година во однос на лани е зголемен и бројот на ноќевањата за 6.3%. Кај домашните туристи има намалување за 6.8%, а кај странските зголемување за 18.9%.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.