Бројот на активни претплатници во мобилна телефонија во четвртиот квартал лани изнесувал 1.941.352. Од нив резиденцијални припејд претплатници се 780.098, а постпејд 912.660, додека деловни постпејд се 248.595, покажуваа податоците на Агенцијата за електронски комуникации (АЕК) за четвртиот квартал лани.
Пристап до интернет со широк и тесен опсег преку мобилна мрежа имале 1.416.911 претплатници.
Според извештајот на АЕК, во последниот квартал лани се реализирани вкупно 1.485.329.432 минути сообраќај. Остварени се 4.400.712 минути сообраќај од претплатници на домашен оператор кои роамирале надвор од државата.
Вкупниот број на фиксни линии (сите технологии) во последниот квартал лани изнесува 425.646, а остварени се 30.860.048 минути сообраќај.
Најголем удел во бројот на претплатници има Македонски телеком со 52,62 проценти, по што следи А1 Македонија со 40,85 проценти, па Роби со 4,38 и Неотел со 2,14 проценти.
ПОВРЗАНИ ВЕСТИ
А1 Македонија има поголеми приходи од Македонски телеком во мобилната телефонија
Тесна битка за бројот на претплатници меѓу Македонски телеком и А1 Македонија: Кој има повеќе?
Фото: Унсплеш