Финската премиерка, Сана Марин, при посетата на Австралија, изјави дека Европа „не е доволно силна, сама да и се спротивстави на Москва“, и дека, клучната улога ја одиграле САД, со оружје, финансиска и хуманитарна помош.
Според нејзе, „руската инвазија на Украина ги открила слабостите и стратешките грешки на Европа во однос на Москва.“
„Морам да бидам многу искрена со вас, Европа не е доволно силна во моментов, ќе бевме во неволја без САД. На Украина мора да и се помогне со сите средства,“ изјави Марин и оцени дека, во обид да се спрече војната, пристапот на Европа да купува енергија и да гради стратегија со Русија, се покажал како „целосно погрешен“.
МИА/Фото: Влада
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.