На Локалните избори ни една од партиите не успеа да освои мнозинство во Советот на Општина Велес.
Според резултатите објавени на веб страницата на Државната изборна комисија (ДИК), најмногу гласови за кандидатските листи за членови на Советот на Општина Велес – 10.729 доби ВМРО-ДПМНЕ и коалицијата „Обнова на Македонија“ со што освои 11 советнички места.
Коалицијата „Најдоброто за мојата општина“ предводена од СДСМ освои 7.405 гласа, со што во Советот на Општина Велес ќе ја претставуваат осум советници.
Левица со 3.109 гласа обезбеди тројца советници, а ДУИ со 1.017 гласови освои едно советничко место во новиот Совет на Општина Велес, кој наскоро ќе се конституира.
МИА/Фото: Општина Велес
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.