Шеесет и двегодишна жена од Сојузна Република Германија е загинатата личност во тешката сообраќајка што вчера се случи на автопатот Неготино – Демир Капија, информираше за МИА, Ристе Самарџиев, портпарол на СВР Велес.
– Вчера во 11.20 часот во ОВР Неготино било пријавено дека на автопатот Неготино – Демир Капија, М.А.(36) од Сојузна Република Германија, управувајќи патничко возило „бмв“ со германски национални ознаки, изгубил контрола над возилото и излетал од патот.
Во несреќата, од здобиените повреди на местото починала сопатничката С.А.(62) од Сојузна Република Германија, а смрт констатирал лекар од Итна медицинска помош. Со телесни повреди се здобиле двајца малолетни сопатници, констатирани во болницата во Кавадарци.
Увид на местото на настанот извршиле јавен обвинител и увидна екипа од ОВР Неготино, појасни Самарџиев за МИА.
ПОВРЗАНИ ВЕСТИ
Едно лице загина, три други се повредени во сообраќајка на автопатот Неготино – Демир Капија
МИА