Полициски патроли од утре ќе бидат во близина на секое училиште, изјави Данило Стевандиќ, државен секретар во МВР на Србија во изјава за локални медиуми.
Како што наведе, полицијата ќе биде засилена на сите јавни места каде што се собираaт голем број луѓе.
– Видливото присуство на полицијата ќе биде зголемено на сите јавни места каде што се собираат голем број луѓе: во трговски центри, во паркови, на плоштади…, рече Стевандиќ.
Претседателот на Србија, Александар Вучиќ, по двете масовни убиства што се случија во Белград и кај Младеновац, најави дека во следните шест месеци ќе бидат вработени нови 1.200 полицајци.
МИА/Фото: Unsplash
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.