Во Велес во изминатите 24 часа се регистрирани четворица новозаболени со Ковид-19, со што во градот има вкупно 81 регистриран случај со овој вирус, објави ЈЗУ Центар за јавно здравје во Велес.
Четворицата новозаболени во Велес е половина од вкупно осумте новозаболените лица во земјава во изминатите 24 часа, од кои тројца новозаболени се регистрирани во Скопје, а еден во Битола.
Добра вест во Велес е што сепак во изминатото деноноќие има еден оздравен пациент од Ковид-19.
Последно регистрираните шест новозаболени беа на први мај, кога бројката се искачи на 77, по што три дена немаше регистрирано новозаболени со Ковид-19 во градот.
На Инфективното одделение при ЈЗУ Општа болница во Велес, како што информира за МИА портпаролот, Весна Неделковска Николова во моментов на лекување се 21 пациент, од кои кај 19 е потврдено присуството на Ковид-19, а двајца чекаат резултати од тест.
МИА/Општина Велес
ПОВРЗАНИ ВЕСТИ
Убава вест: Оздравени 21 пациент кои боледуваа од корона вирусот
Осум нови случаи на заразени од корона вирусот, вкупно 427