еМагазин
Image default
ЖИВОТ

Возачите да не возат кога се уморни и под дејство на алкохол и да не ја пречекоруваат препорачаната брзина, апелираат од РСБСП

Републичкиот совет за безбедност на сообраќајот на патиштата (РСБСП) преку соопштение апелира сите учесници во сообраќајот да ги почитуваат правилата и прописите, возачите да не возат кога се уморни, да не возат кога се под дејство на алкохол и да не ја пречекоруваат препорачаната брзина.

Возачите кога се упатуваат на подолги патувања, како што се посочува, треба да ја проверат техничката исправност на возилото, да го планираат времето за патување, да прават почести паузи за одмор надвор од моторното возило и да консумираат повеќе безалкохолни пијалоци.

Во рамки на кампањата „Безбедно лето 2022“ се реализираат летна кампања под мотото „Вози одморен“ и кампања „Носи кацига“ наменета за возачите на мотоцикли, велосипеди и електрични тротинети, со цел подобрување на безбедноста на сообраќајот на патиштата, и кај македонските и кај странските учесници во сообраќајот, преку едукација и подигање на свеста кај возачите за почитување на сообраќајните правила и прописи, со акцент на подигањето на свеста за влијанието на високите летни температури, заморот, неприлагодената брзина и конзумирањето алкохол врз способноста за управување со моторно возило. Возете одморени, возете безбедно, додаваат од РСБСП.

Фото: МТИВ

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Леонид Индов замина на лекување во Виена, тој е првиот пациент кој со медикоптерот е транспортиран во друга држава

Редакција

Шекеринска во Скандинавија, Османи во Албанија, Анѓушев во Грција: Каде министрите ќе одат на одмор

Редакција

Над 1.000 рецепти за хронична терапија препишале матичните лекари, наместо специјалисти

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница