Податоците на Институтот за јавно здравје (ИЈЗ) за периодот од 4 до 10 јануари покажуваат дека најмногу регистрирани случаи на Ковид-19 во Македонија има кај лицата на возраст над 60 години.
“Регистрирани се заболени лица во сите возрасни групи.
Најзастапена е возрасната група на лица на возраст над 60 (n=622, 25,2%).
Голем број на заболени се регистрира и кај лицата во возрасните групи од 40-49 (n=470; 19,0%), 50-59 (n=455; 18,4%), 30-39 (n=455; 18,4%) и 20-29 (n=330; 13,4%).
Најмал број е регистриран кај децата од 0-9 (n=39; 1,6%) и 10-19 години (n=100; 4,0%).
Во однос на дистрибуцијата по пол, пријавени се 1.182 (47,8%) лица од женски и 1.289 (52,2%) од машки пол“, стои во извештајот на ИЈЗ, кој еМагазин редовно го пренесува.
ПОВРЗАНИ ВЕСТИ
Три лица биле на возраст од 40 до 49 години: За една недела 74 смртни случаи од Ковид-19
Зголемување од 6,1%: За една недела 2.471 нови случаи на Ковид-19
Фото: МЗ