За една недела бројот на новозаразени со Ковид-19 пораснал за 80%

Податоците на Институтот за јавно здравје (ИЈЗ) за периодот од 4 до 10. јули покажуваат раст на бројот на новозаболени со Ковид-19.

“Тестирани се вкупно 6.318 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со зголемување од 7,5% во однос на минатата недела (n=5.876).

Регистрирани сe 1.731 нови позитивни случаи од 31 града во државата, со зголемување од 79,9% во однос на минатата недела (n=962).

Процентот на позитивност се движи од 20,1% до 32,5%, просечно 26,3%.

Најголем дел од регистрираните случаи се од Скопје (n=968; 55,9%).

Највисока инциденца е регистрирана во Кавадарци (167,0/100.000), а висока инциденца се регистрира и во Скопје (159,5/100.000), Битола (123,5/100.000), Охрид (117,9/100.000) и Велес (100,6/100.000)“, стои во извештајот на ИЈЗ, кој еМагазин редовно го пренесува.

ПОВРЗАНИ ВЕСТИ

(Табела) Најголем дел од новозаразените со Ковид-19 се на возраст од над 60 години

Доктор Беќаровски со совет до туристите кои се возат со автобус и возачите: Носете маски, правете почести паузи, проветрувајте

Фото: МЗ