Владата донесе одлука да воведе забрана за влез во воздушниот простор на територијата на Македонија за авио компании од Руската Федерација.
Оваа одлука, како што соопшти владината прес-служба, со која се приклучиме на препораките на ЕУ и на земјите членки кои веќе донесоа таква одлука, е донесена на денешната 18-та седница.
-Владата ја задолжи АД во Државна сопственост за вршење на дејноста давање услуги во воздухопловната навигација М-НАВ да ја отпочне постапката за спроведување на оваа одлука и да ги извести Европските воздухопловни власти за забраната за влез во воздушниот простор на Северна Македонија за авио-превозници регистрирани во Руската Федерација, се наведува во владиното соопштение.
Од оваа одлука се изземаат хуманитарните и летовите кои се во случаи на итност.
Фото: Влада