Лидерот на ВМРО-ДПМНЕ, Христијан Мицкоски на неговиот фејсбук-профил го повика претседателот на СДСМ, Зоран Заев на ТВ-дуел.
„Во изминатите две недели до мене пристигнаа две понуди за ТВ-дуел со Зоран Заев. Првата е на телевизијата „Канал 5“ за 28 февруари во гледаната емисија „Само Вистина“, а втората понуда е проект на телевизијата „Алфа“ што би се емитувал на 12 март.
Јас и двете понуди за ТВ-дуел со задоволство ги прифаќам, затоа што не бегам од соочување и не бегам од вистината, а Заев е тој кој е должен да одговори и да се соочи со фактите кои се одраз на вистината,“ напиша Мицкоски на неговиот фејсбук-профил.
На ова, одговорија од СДСМ кои во соопштение напишаа дека „ТВ соочувања со претседателот Зоран Заев имало и ќе има.“
„Претседателот Заев и сите претставници на СДСМ во изминативе две и пол години покажаа дека се транспарентни, отчетни и подготвени за дебата како со политичките противници, така и со стручната јавност, новинарите,“ се вели меѓудругото во соопштението.
Фото: Влада