Целиот извршен одбор на СДСМ, сите шест потпретседатели на партијата, генералниот, организацискиот и меѓународниот секретар, како и координaторката на Форумот на жени се разрешени вечерва на седницата на Централниот одбор на СДСМ, информираше лидерот на партијата Зоран Заев.
„Ветивме промени и се случуваат. СДСМ вечерва демонстираше сериозна одговорност пред граѓаните и сопствената земја. Донесовме одлуки што носат суштински промени“, рече Заев.
Според одлуката разрешени се Александар Кирацовски, генерален секретар, Миле Зечевиќ организациски секретар, Дане Талевски, меѓународен секретар, Цветанка Ласкова координатор на Форумот на жени и шесте потпретседатели Фросина Ташевска Ременски, Оливер Спасовски, Петре Шилегов, Благој Бочварски, Дамјан Манчевски и Мухамед Зекири.
Кои ќе бидат новите членови на Извршниот одбор на партијата ќе биде познато деновиве, најави Заев.
ПОВРЗАНИ ВЕСТИ
(ВИДЕО) Заев најави смена на повеќе од тројца министри
Министерот Љупчо Николовски нов генерален секретар на СДСМ
(Фото) Насмевки и намуртени лица: Кој дојде на состанокот на Централниот одбор на СДСМ?
Фото: СДСМ
