Закани по животот, клетви, пцовки и што уште не може да се прочитаат на Фејсбук-профилите на некои од пратениците од ВМРО-ДПМНЕ кои излегоа да гласаат на референдумот за прифаќање на Договорот со Грција и зачленување на земјава во ЕУ и НАТО.
Една од нив е и пратеничката Даниела Рангелова, која откако изјави дека нема да гласа за уставните измени во Собранието, предизвика лавина реакции на нејзиниот профил од противниците на Договорот со Грција кои не бираат зборови за да искажат недоверба и да се заканат доколку Рангелова не остане на овој став.
„Даниела ако не гласаш во Собрание можеме да ти простиме, ако случајно и таму погрешиш верувај како Исус ќе те распнеме на сред плоштад во Куманово“, се вели во еден од коментарите на профилот на Рангелова.
Фото: Фејсбук/Даниела Рангелова