Полициски службеници од Мобилната единица за компензаторни мерки при Одделот за гранични работи и миграции вчера околу 17 часот на наплатната станица Миладиновци по извршена контрола одзеле автобус, соопственост на правно лице од Скопје, кој се движел на релација Скопје-Истанбул, а бил управуван од З.М. (56), поради основано сомнение дека е направен фалсификат по регистрација и број на шасија.
Исто така поради сомнение дека возачот нема лиценца за меѓународен транспорт известени се надлежните инспектори од Државниот инспекторатот за транспорт за постапување, соопшти МВР.
Во тек е документирање на случајот, за кој следуваат соодветни поднесоци.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.