Речиси сите модули на ФЗОРСМ, се ставени во функција. ИТ експертите ги финализираат процесите и функционалностите, и со тоа започна исплата на боледувањата, породилното остуство и разни рефундации, соопштија од Фондот за здравствено осигурување (ФЗО).
Од таму додаваат дека, се очекува осигурениците етапно да ги добиваат средствата на своите сметки во текот на утрешниот ден и во среда.
„Тоа значи дека веднаш ќе започне исплатата на боледувањата кои биле внесени до 05.02.2023 година. Податоците за боледувањата кои се доставени после овој датум ќе започнат да се внесуваат во Подрачните служби за и тие да влезат во системот за редовна исплата.
Во тек е и враќањето во функција и на ДРГ системот, (кој е систем за евиденција на болничките услуги) за што јавноста навремено ќе биде известена,“ соопштуваат од ФЗО.
ПОВРЗАНИ ВЕСТИ
Од Фондот за здравство тврдат дека податоците на граѓаните се безбедни и дека не се украдени