Професор Д-р Александра Грозданова, национален координатор за имунизација, во изјава за телевизија Сител вели дека засега нема официјална препорака за трета доза за вакцинираните со кинеската вакцина „Синофарм“.
-Оваа вакцина се користи во повеќе земји во светот и е одобрена од Светската здравствена организација. Ефикасноста е меѓу 75-80 проценти и иако овој процент е помал во однос на другите вакцини извонредно битно е да се нагласи дека оваа вакцина подеднакво успешно ги спречува компликациите и тешките облици на Ковид-19.
Комисијата е во тек со сите објави за ефикасноста на оваа вакцина вклучително и онаа од Србија, каде се увиде дека дел од постарата популација не создала антитела по примање на оваа вакцина.
Се уште нема официјална препорака за примање на трета доза на вакцини, ниту пак за примање на различни вакцини и официјално оваа пракса не се применува никаде во светот, вели Грозданова.
ПОВРЗАНИ ВЕСТИ
Студија во Србија: 20% од ревакцинираните со кинеската вакцина „Синофарм“ не развиле антитела
Фото: МЗ