Затворската казна на поранешниот судија Владимир Панчевски е намалена за една година, објави телевизијата Телма.
Апелациониот суд Скопје ја прифатил неговата жалба и ја намалил затворската казна од три и пол на две и пол години.
Сега пресудата е правосилна па Панчевски ќе треба да се јави на извршување на казната.
Осуден е бидејќи во периодот од 2013 до 2016 година, како претседател на Кривичниот суд, рачно доделувал предмети кај подобни судии, а не преку АКМИС системот. Распределил околу 40 предмети, меѓу кои и два случаи на Специјалното јавно обвинителство.
Фото: Академик
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.
