Се чека ли во ВМРО-ДПМНЕ одлуката на Апелацискиот суд по жалбата за двегодишната затворска казна за Никола Груевски за набавката на лускузниот мерцедес за партијата за да се изјасни во однос на референдумот за промена на името е прашање кое заслужува внимание.
Судот денес и утре треба да одлучува по овој случај, а ВМРО-ДПМНЕ веќе извесен период не се изјаснува за референдумот.
Коинциденција или пак добро смислена стратегија за максимален политички бенефит е дилемата која се наметнува по одолговлекувањето на ВМРО-ДПМНЕ да каже дали ќе ги повика симпатизерите да излезат на гласање.
Останува времето да покаже дали власта и опозицијата ќе направат „пазар“ односно дали укинувањето на затворската казна за Груевски ќе биде услов за поддршка на ВМРО-ДПМНЕ за успешен референдум.
Фото: Груевски/Фејсбук