Телеметриската сеизмолошка мрежа со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје, веднаш после полноќ, на 8 октомври 2020 година, во 00 часот и 13 минути, регистрираше земјотрес чиј епицентар се наоѓа во соседна Република Албанија, во епицентралното подрачје Драч, 170 километри југозападно од Скопје.
„Според досегашните податоци, Рихтеровата локална магнитуда изнесува M L =4.6 степени, а почувствуван е во западните делови на Македонија, од населението во Гостивар, Тетово и околината со интензитет од II-III степени, според Европската макросеизмичка скала,“ се вели во соопштението.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.