Во декември, вкупните депозити на домаќинствата бележат месечно зголемување од 4,2% во најголем дел под влијание на растот на депозитните пари (78,8%), при благо зголемување и кај останатите видови депозити, покажуваат најновите податоци на Народната банка.
Годишниот депозитен раст за 2018 година изнесува 9,5% и во поголем дел произлегува одзголемувањето на депозитните пари и краткорочните депозити во странска валута, во услови на раст, иако поумерен, и на долгорочните депозити во денари и во странска валута.
Вкупните кредити на домаќинствата во декември забележаа нагорна промена на месечна и годишна основа од 0,3% и 10,3%, соодветно. Анализирано од аспект на валутната структура, кредитите одобрени во странска валута имаат поголемо учество во месечниот раст (70,8%), додека годишниот раст главно произлегува од зголемувањето на кредитите одобрени во денари (66,5%).
ПОВРЗАНИ ВЕСТИ
Раст на потрошувачките и станбените, пад на автомобилските и картичните кредити
Раст на депозитите и кредитите на корпоративниот сектор