Пред да стартува олеснувањето на мерките, кое е предвидено за 4. мај, во Грција со работа почна забавната индустрија, пренесува дописникот на еМагазин од Солун.
На телевизијата Open се врати музичкото талент шоу „Just the 2 of Us“, направено по франшиза на истоименото британско шоу, присутно на овој пазар од 2010 година.
Сите учесници, како што пренесуваат грчките медиуми, претходно биле тестирани за коронавирусот.
Новата епизода е снимена без публика, а во неа учествуваа бројни познати личности во Грција од музичката до спортската сфера.
Жирито пак е разделено со плексиглас.
Дел од него е и најпозната грчка пејачка, позната и на македонската јавност, Деспина Ванди.
На грчките телевизии, за разлика од кај нас се присутни бројни талент и риалити шоуа.
Забавната индустрија е огромна и ангажира работници од различни сфери.
Во Грција веќе има најави и за продолжување на снимањето на телевизиските серии, кое беше прекинато поради пандемијата со коронавирусот.
ПОВРЗАНИ ВЕСТИ
Сите детали: Грција во мај ги „отвара“ продавниците, трговските центри, фризерските салони…
За летување во Грција можно да ни е потребен „здравствен пасош“
(Фото) Ќе изгледаат ли вака плажите во Грција во време на пандемија со коронавирусот
Фото: Open
Важно известување
Посети ја новата страница