Жител на дебрското село Мешеишта е лишен од слобода поради сомневање дека опожарил две патнички моторни возила, сопственост на припадници на Шумската полиција.
Според СВР – Охрид, 33-годишниот мешеиштанец се сомничи дека предизвикал пожар во две патнички моторни возила – „Мерцедес“ со охридски регистарски ознаки, сопственост на жител од селото Лешани и „Санг јонг корандо“, сопственост на лице од селото Требеништа, двајцата вработени во Шумска полиција Охрид.
Екипи на Територијалната противпожарна единица од Охрид интервнерирале и ги угаснале опожарените возила при што е причинета само материјална штета. По целосно документирање на случајот ќе биде поднесена соодветна пријава.
МИА
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.