Извршниот директор и претседател на Управниот одбор на Алкалоид, Живко Мукаетов и Роберт Стевановски, претседавач на ACN Inc. се нови членови на Oдборот на директори на Македонија 2025, со што бројот на членови се зголеми на дваесет.
„Чест ни е да им посакаме добредојде на Роберт и Живко во Одборот во овој важен момент на развој во нашата организација. Овие докажани лидери ќе ги применат своите значајни гледишта, искуства и страст за земјата со цел подобрување на животите и зголемување на влијанието што го имаме во нашата заедница.
Во име на целиот Одбор на директори, почестени сме да им посакаме добредојде на Роберт и Живко и знам дека сите ќе имаме корист од нивното разновидно лидерство и експертиза“, изјави Мајкл Чкламовски, претседавач на Одборот на директори на Македонија2025.
Фото: Алкалоид