Второосмничениот за случајот „Рекет“, Зоран Милески – Кичеец, кој се наоѓа во притвор во затвор Скопје во Шуто оризари, денеска беше донесен на расприт во Обвинителството за организиран криминал, потврдуваат од Јавното обвинителство.
Кичеец и Бојан Јовановски, се засега единствените осомничени за случајот „Рекет“ и се наоѓаат во притвор во затворот. Обвинителството двајцата ги товари за кривично дело „примање награда за противзаконито влијание“, а првоосомничениот Јовановски и за „перење пари и други приноси од казниво дело“.
Истрагата за „Рекет“ во Јавното обвинителство ја води шефицата на организиран криминал Вилма Рускоска.
Денеска во ЈО за случајот „Рекет“ е сослушана и пензионерката Лилјана Тодоровски, која е потписничка на проектот за европски центар на Меѓународниот сојуз на Бојан Јовановски – Боки 13.
Утре во ЈО за случајот „Рекет“ е повикана на распит и специјалната јавна обвинителка Катица Јанева, која заедно со обвинителката Лиле Стефанова беа спомнати во снимените разговори и видеата што ги објави интернет изданието на италијанскиот весник „Ла Верита“, а во врска со случаите „Рекет“ и „Империја“.
МИА
ПОВРЗАНИ ВЕСТИ
Мицкоски: Му нуделе милост на Кичеец за да ме вмешаат во „Рекет“
Уште 30 дена притвор за Бојан Јовановски – Боки 13 и Зоран Милески – Кичеец
Видеото со Боки 13, Кичеец и Камчев руши рекорди, има над половина милион прегледи
Сведок или соучесник: Каков ќе биде статусот на Катица Јанева во „Рекет“?