Во Македонија денеска се активни пет пожари а, четири се под контрола.
Вчера имало вкупно 42 пожари, информираа од Центарот за управување со кризи.
Активните пожари се кај селата Тажево, Брезница и кракот кон Јасен, на Илинска планина кај селото Базерник и помеѓу Косел, Расино, Опеница и Валина на четири точки.
Пожар има и кај местото викано Погана кон ветерниот парк Богданци и помеѓу селата Зелениград и Јамиште.
Четирите пожари ставени под контрола се кај селото Пресека, кај селото Патетино, помеѓу селата Пласница и Латово и кај селото Дулица.
Фото: ЦУК
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.