Бензините од ноќеска на полноќ поевтинуваат за половина денар за литар, а цената на дизел-горивата се зголемува за еден денар, одлучи денеска Регулаторната комисија за енергетика, водни услуги и услуги за управување со комунален отпад (РКЕ).
Со одлуката се врши големување на малопродажните цени на нафтените деривати во просек за 0,64 отсто.
Новата малопродажна цена на „Еуросупер БС-95“ е 76,50 денари за литар,„Еуросупер БС-98“ ќе се продава за 78,50, дизелот за 73,50, а екстра-лесното масло за горење (ЕЛ-1) за 73,50 денари за литар.
Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 1,387%, кај дизелот зголемување за 1,583%, кај екстра лесното масло зголемувањето е за 2,420% и кај мазутот зголемувањето е за 0,842%.
Курсот на денарот во однос на доларот во изминатиот период по кој беа формирани цените со претходната пресметка, потенцираат од РКЕ, е повисок за 0,419 проценти.