Македонската банкарска асоцијација (МБА) информира дека на 48. седница на Собранието го именувала Бојан Стојаноски за заменик-претседател на Асоцијацијата, со мандат од четири години.
Стојаноски е истакнат банкарски професионалец со повеќе од 25 години искуство во банкарскиот сектор, од кои 15 години на раководни позиции. Тој е долгогодишен и активен член на МБА уште од нејзиното основање, при што се истакна со својот значаен придонес како претседавач на Комисијата за реструктурирање корпоративен долг, посочуваат од таму.
Моментално, Стојаноски е генерален директор за управување со ризици и член на Управниот одбор на Стопанска банка АД Скопје, функција што ја извршува од март 2020 година.
Неговото професионално портфолио вклучува и високи раководни позиции во Халк Банка АД Скопје. Дополнително, тој бил член на Управниот одбор и втор генерален директор на КБ Прво пензиско друштво АД Скопје.