Венецуела обвини за хакерски напад од Македонија при пребројувањето на гласовите на претседателските избори, пренесуваат тамошните медиуми..
Обвинувањето вчера сигнаа од венецуелскиот јавен обвинител Тарек Вилијам Сааб, кој рече дека опозициските лидери Лестер Толедо, Леополдо Лопез и Марија Корина Мачадо организирале хакерски напад на Државната изборна комисија на Венецуела (ЦНЕ), при пребројувањето на гласовите од претседателските избори.
Според него нападот дошол од ај-пи адреси во Македонија, а истиот бил извршен врз електронскиот систем кој го забавил пребројувањето на гласовите.
Комисијата на Венецуела објави дека актуелниот претседател Николас Мадуро освоил трет мандат со 51,2% од гласовите, а неговиот противкандидат, опозицискиот претставник, Едмундо Гонзалес, Урутија, имал 44,2 отсто од гласовите, но без да презентира официјални податоци. Истите не се објавени поради обвинувањата за хакерскиот напад.
Истата информација ја сподели и Мадуро.
Опозицијата најави дека ќе ги оспори резултатите.