„Марш на ангелите“ се одржа во Кочани кои го организираа семејствата на починатите во пожарот во „Пулс“, барајќи правда за своите најблиски.
Преку транспаренти тие порачаа дека „коруптивниот систем ги уби децата“ и дека „ова не е несреќа, ова е убиство.“ Една од мајките на починатите побара одговори за тоа кој е виновен за трагедијата.
„Кој ги уби нашите ангели, кој ги уби нашите херои и кој ги пеплоса тие ангелски лица?“
Тие изјавија дека ако сите институции си ги извршувале своите задачи, до трагедијата немало да дојде.
Мирниот собир почна во Паркот на Револуцијата во 12 часот и 5 минути, како симбол на задоцнетата институционална реакција. Потоа граѓаните се упатија кон Трговскиот центар, кон зградата на Општина Кочани, Полициската станица и Основниот суд и Обвинителството.
ПОВРЗАНИ ВЕСТИ
Се истражуваат и актуелни началници и полицајци за потенцијална одговорност за трагедијата во Кочани
Меморијален парк и споменик на Пониква се предлагаат за загинатите во трагедијата во Кочани
Видео/ТВ21 Фото/Принтскрин-видео