Во Лондон денеска беше потпишан договорот „влада со влада“ помеѓу Македонија и Обединетото Кралство на Велика Британија и Северна Ирска.
Договорот го потпишаа македонскиот вицепремиер и министер за транспорт Александар Николоски и британскиот министер за економија и извоз Герет Томас.
Договорот како што е познато е во вредност од 6 милијарди евра, а парите од заемот ќе се инвестираат во транспорт, образование, здравство, животна средина и дигитализација.
ПОВРЗАНИ ВЕСТИ
Како што изјави Николоски веќе се подготвени три приоритетни проекти – брзата железничка врска по Коридорот 10, модернизација на болниците и изградба на нов Медицински факултет.
Понатаму ќе се продолжи со проекти и во енергетиката и заштитата на животната средина.
Според Николоски, соработката ќе значи не само финансиска поддршка, туку и директен трансфер на експертиза од британската јавна администрација и бизнис секторот, што ќе овозможи подигање на капацитетите на македонските институции и компании.
Томас нагласи дека двете земји се блиски сојузници во рамките на НАТО и ја оцени соработката како значаен чекор напред во економските и билатерални односи.
ПОВРЗАНИ ВЕСТИ
Договорот со Обединетото Кралство ќе се потпише во четврток, кој се ќе оди во Лондон?
Фото/видео: Влада