Македонија слави уште еден историски успех.
По освоениот сребрен медал на Европското првенство во 2024 година, оваа година, Даниела Алексовска, членка на „Д Стронгест“, се закити со златен медал на Европското ММА првенство 2025 во Белград, Србија.
-Во финалето на женската дивизија, Алексовска ја совлада Анастасија Хородивска од Украина – актуелната светска вицешампионка – во првата рунда за помалку од една минута со зафат (триаголник), освојувајќи ја првата европска ММА титула за Македонија во женска конкуренција.
Овој успех претставува значајна победа за македонскиот ММА спорт, а Алексовска уште еднаш докажа дека припаѓа на европскиот врв, информираа од Федерацијата на Македонија за ММА.
ПОВРЗАНИ ВЕСТИ
Марко Трајаноски со историско злато за Македонија на Европското првенство во ММА!
Фото: Федерација на Македонија за ММА/видео: Фејсбук/Ивица Алексовски