Денеска беше пуштена во употреба железничката пруга од Куманово до Бељаковце, источната делница на Коридорот 8, која е првата фаза од железницата кон Бугарија.
Истата е со должина од 30,8 километри, се градеше 28 години и чини над 78 милиони евра.
На неа се изградени три нови железнички станици – Ново Куманово, реконструирана е постоечката железничка станица Куманово, има шест стојалишта, пет мостови, еден тунел, пропусти со различен дијаметар, заштита на наклони, одводни канали, пристапни патишта, звучни бариери, потпорни ѕидови, горен строј и сигнализација и телекомуникација.
На железничките станици и стојалишта е инсталирана сигнално-телекомуникациска опрема во вредност од 10 милиони евра, алуминиумски седишта, челични настрешници, дисплеии лед осветлување.
Фото/Видео: Влада/Министерство за транспорт