(Видео) Што сѐ е познато за убиството кај Мавровка

Вчерашното убиство пред трговскиот центар „Мавровка“ во центарот на Скопје е во фокусот на јавноста.

ПОВРЗАНИ ВЕСТИ

Едно лице е убиено кај Мавровка

Министерството за внатрешни работи (МВР) го соопшти идентитетот на убиениот. Се работи за В. Е. (59), а медиумите го објавија и неговиот целосен идентитет.

Тој е убиен со еден куршум, неофицијално од зад грб и починал на лице место.

Неофицијално убиениот живеел повеќе години во Скопје, а бил по потекло од Струмица.

Полицијата соопшти дека трите осомничени лица најверојатно сакале да го ограбат.

Убиениот со сопругата имал бизнис за изработка и продажба на накит во скопски Аеродром, а бил и во бизнисот со материјали за водовод.

МВР вчера уапси две лица, а по третото се трага.

ПОВРЗАНИ ВЕСТИ

Полицијата возвратила со пукање кон двајцата уапсени за убиството кај Мавровка, едно лице е во бегство

И трите осомничени лица се од исто семејство, познато на полицијата од претходни криминални случаи.

Полицијата вчера изврши претреси и прегледи на повеќе локации и возила.

Видео: МВР