Министерот за внатрешни работи, Панче Тошковски денеска апелираше до граѓаните кои имаат возачки дозволи со старото име на државата да извадат нови, бидејќи тие ќе важат до крајот на 2024 година.
Досега се издадени 750.000 возачки дозволи со новото име.
„Ги замолувам во наредниот период од неколку месеци сите оние кои имаат возачки дозволи со старото име да пристапат кон обновување на истата, затоа што согласно измените на законот, старите возачки дозволи ќе важат до крајот на оваа година“, изјави Тошковски.
Тој рече и дека од оваа недела натаму секој граѓанин кој што ќе поднесе барање за нов пасош, возачка дозвола или лична карта, ќе може да ги оствари во рамки на законското право во рок од 15 дена.
Фото: МВР
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.