Гранит АД Скопје лани оствари добивка во износ од 152.526 илјади денари, соопшти компанијата преку Македонската берза.
-Вкупната сеопфатна добивка изнесува 436.776 илјади денари и е поголема од добивката пред се поради останатата сеопфатна добивка во износ од 284.250 илјади денари, која произлегува како резултат на евидентирана нереализирана добивка од зголемување на пазарната вредност на портфолиото акции кои ги поседува Друштвото во 2023 година, велат од таму.
Остварените единечни вкупни приходи за овој период изнесуваат 5.264.381 илјади денари и во споредба со остварените во истиот период 2022 година бележат зголемување за 5%.
Приходите од продажба изнесуваат 5.047.512 илјади денари и во споредба со остварените во истиот период 2022 година бележат зголемување за 10%.
Финансиските приходи изнесуваат 64.561 илјади денари и во споредба со остварените во истиот период 2022 година бележат намалување за 17%.
Остварените единечни вкупни расходи се во износ од 5.111.856 илјади денари, споредено со истиот период 2022 година бележат зголемување за 5% .
Вкупните инвестиции во основни средства лани изнесуваат 470.401 илјади денари (во опрема и механизација).
ПОВРЗАНИ ВЕСТИ
Директорот на Гранит, Зоран Милковски повторно купи акции на компанијата
Претседателот на УО на Гранит, Страшо Милковски купи 11.731 акции во Друштвото
Гранит склучи договор со ЈП за државни патишта вреден 752 милиони денари