Од Центарот за управување со кризи (ЦУК) денеска информираа дека во земјава се уште се активни 12 пожари.
Активни се пожарите меѓу селата Драгоево и Селце и селата Пухче и Пиперово во Општина Штип, пожарот кај армискиот полигон Криволак во правец на штипското рамниште, а од неготинска страна е ставен под контрола, како и пожарот кај селото Бадилен во Општина Ново Село.
Пожари има и меѓу селата Габровник и Мокрени и меѓу Јаболчишта и Дреново во Општина Чашка, меѓу селата Сирково и Мрзен Ораовец во Росоман, кај селото Фалиш во Општина Кавадарци, селото Небрегово во Општина Долнени, кај Пашин мост во Општина Велес, меѓу селата Подлец и Чичево во Општна Градско, како и кај градската депонија во Делчево.
Најкритичните пожари се гасат и од земја и од воздух.
Фото: ЦУК