Државниот правобранител Агрон Речи поднесе неотповиклива оставка поради лични причини.
„Оваа оставка ја поднесувам од лични причини, од кои најдоминантно влијание врз ваквото мое одлучување имаше околноста што сум фамилијарна личност, со оформено семејство кое не живее во градот каде што ја обавував функцијата.
Одвоениот живот од семејството го инсинуира овој формален чин на напуштање на функцијата од моја страна,“ се вели во оставката.
Тој од Владата бара да ја прифати неговата оставка на наредната владина седница и согласно Законот за државно правобранителство најдоцна во рок од седум дена од престанокот на вршење на функцијата, да биде именуван за државен правобранител со седиште за подрачјето на Охрид, од каде бил именуван пред стапување на функцијата.
Фото: Државно правобранителство