Министерот за внатрешни работи Панче Тошковски за Радио Слободна Европа најави дека во Тетово и Гостивар за престојните претседателски и парламентарни избори ќе има дополнително полициско присуство.
Тој во интервјуто потсети и дека Владата не дозволи да биде сменет само началникот на СВР Тетово, кое ќе биде надлежно да се грижи за безбедноста и за фер и демократски избори за реонот Тетово, Гостивар и околината.
„Јас не го побарав само СВР Тетово, ги побарав и СВР Охрид, Битола, Велес, Куманово и сите останати. Прашањето е зошто Владата донесе таква одлука, само СВР Тетово да не биде дел од овој процес на фер и демократски избори.
Зошто Владата одлучи да го крши Законот за влада, а при тоа не даде никакво правно образложение. Сомнително е што СВР Тетово доби нов началник на неколку денови пред моето доаѓање на функција и Владата не дозволи да е сменет“, кажа тој меѓудругото.