Вчера на локалниот пат помеѓу скопските села Копаница и Бојане загинал 38-годишен маж.
Се работи за С.С. од скопското село Буковиќ, кој со мотоцикл „сузуки“ излетал од патот.
Како што информираа од Министерството за внатрешни работи од здобиените повреди тој починал на местото на несреќата.
Лекар од Итна медицинска помош констатирал смрт, а неговото тело е дадено на обдукција.
Во несреќата со тешки телесни повреди се здобил и неговиот сопатникот С.Ј. (41) од скопското село Копаница, констатирани во Комплексот клиники „Мајка Тереза“ во Скопје.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.