Македонското Министерството за внатрешни работи демантираше дека имало обид за атентат на премиерот на Косово, Албин Курти, кој деновиве беше на неофицијална средба во Скопје.
Претходно Радио-телевизија Косово објави дека имало план за атентат врз Курти, кој бил подготвуван од „српски структури“, повикувајќи се на косовските безбедносни служби.
Курти пак за косовските медиуми изјави дека имало закани од поединци и структури, кои според него, имаат корени од официјален Белград.
“Кога дојдов до Скопје не се чувствував загрозено, но видов дека има многу полициски сили кои беа загрижени за средбата која ја одржуваме, на која специјален гостин беше претставникот на германската СПД, Ларс Клингбеил”, изјави Курти.
Фото: Влада
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.