Нови членови на Судскиот совет се врховниот судија Исамедин Лимани и судијата Александар Камбовски од Апелациониот суд Битола.
Како што информираа од Судскиот совет, за Лимани гласале седум судии, а неговата противкандидатка судијката, Цветанка Периќ, која се повлече од „трката“, добила два гласа.
За изборот на член на Судскиот совет од редот на врховните судии гласале вкупно 15 судии. Две ливчиња биле неважечки, а четири не биле искористени.
Камбовски од Апелациониот суд Битола пак освоил 28 гласа. Неговата противкандидатка судијката Татјана Суслеска од Апелациониот суд Битола добила 10 гласа, а судијката Александра Поп Стефанија од Основниот суд Охрид, три гласа.
За избори за член на Судскиот совет од редот на апелационото подрачје Битола гласале вкупно 42 судии. Регистрирано е едно неважечко ливче и едно неупотребено гласачко ливче.
ПОВРЗАНИ ВЕСТИ
Каков имот пријавил судијата Исамедин Лимани, кој е избран за член на Судскиот совет
Фото: Унсплеш