Повторно се водат разговори за промена на државниот грб.
Информацијата денеска ја потврди премиерот Христијан Мицкоски, кој откри дека за тоа се водат разговори помеѓу владејачките ВМРО-ДПМНЕ и коалицијата Вреди, и посети дека договор за менување на државниот грб имало и помеѓу ВМРО-ДМПНЕ и ДУИ, кога тие биле во истата влада, во времето кога премиер беше Никола Груевски.
-Јас знам дека имаше договор помеѓу ВМРО-ДПМНЕ и ДУИ за промена на државниот грб. Тоа беше пред неколку години, ако не се лажам, 2014 или 2015.
Инаку, ние тоа прашање го отворивме и ценам дека сме една од двете држави, постсоцијалистички коишто сѐ уште го имаат стариот државен грб, со некои мали модификации.
Но, кратко да кажам, имаше договор помеѓу ВМРО-ДПМНЕ и ДУИ кога бевме во иста влада, односно кога таа влада ја водеше Никола Груевски, рече Мицкоски.