Мицкоски во Вашингтон се сретна со Павловски, сопственик на Рамбл, каде акционери се и новиот американски министер за економија и новиот потпретседател на САД

Македонскиот премиер Христијан Мицкоски во Вашингтон, САД, каде е во работна посета, а денеска ќе присуствува и на инагурацијата на новиот американски претседател Доналд Трамп, имаше среба со македонскиот бизнисмен Крис Павловски, сопственик на Рамбл.

Во акционерската структура на Рамбл, како што информираше Мицкоски на Фејсбук се и Хауард Лутник, новиот министер за економија на САД и ЏД Венс, новиот потпретседател на САД.

Капиталот на Павловски од Форбс е проценет на 1.2 милијарди долари.

-Разговаравме за инвестиции на Рамбл во Македонија во делот на дигитализацијата. Имајќи предвид дека Крис има македонско потекло, Македонија е тема која е секогаш дел од нашите разговори, зборувавме за предизвиците кои се дел од сегашноста, но и иднината, напиша Мицкоски.

ПОВРЗАНИ ВЕСТИ

Македонска делегација предводена од Мицкоски замина во САД, ќе присуствува на инаугурацијата на Трамп

Фото: Мицкоски/Фејсбук