Дополнителниот заменик министер за внатрешни работи Митко Бојмацалиев прашан за застојот во издавање на личните документи денеска информираше дека над 100.000 граѓани ги немаат добиено своите пасоши во законскиот рок.
„Пред техничката влада, сите граѓани ги добиваа своите лични документи во рок од 15 дена. Но за среќа техничката влада завршува за брзо па ќе ги вратиме управните служби на прав колосек, граѓаните ќе бидат сликани и услужени за 15 дена да ги имаат своите документи.
Тоа го зборував уште од првиот ден, но не наиде на разбирање дека не е само да ги сликаме граѓаните, да им ги земеме парите, а да не им ги дадеме пасошите. Граѓаните чекаат некаде веќе два и пол месеци за одредени документи за кои уредно си платиле и се сликале,“ потенцираше Бојмацалиев.
Фото: МВР