Подружниците на државното акционерско друштво ЕСМ, РЕК Битола, РЕК Осломеј и ТЕЦ Неготино добија нови директори.
Тони Петрушевски е нов директор на РЕК Битола. Досегашниот в.д. директор Иле Костадиновски е назначен за помошник директор за правни, кадровски и општи работи во РЕК Битола.
Петрушевски е дипломиран машински инженер, со претходно работно искуство во приватниот сектор.
Сашо Вренцоски е нов директор на РЕК Осломеј. Тој е дипломиран економист и истакнат стручен кадар со долгогодишно работно искуство во комбинатот, велат од ЕСМ.
На директорска позиција во Осломеј е именуван и Агим Садику, дипломиран економист со работно искуство во Управата за јавни приходи.
За в.д. Директор на подружницата ТЕЦ Неготино, е назначен Александар Галапчев, дипломиран инженер со работно искуство во термоелектраната.