Министерот за транспорт Александар Николовски побарал Јавното обвинителство да го испита случајот во кој човек фирма од Штип бара од Македонски телеком 4 милиони евра, изјави тој за телевизијата Сител.
Пресудата за овој случај од страна на Апелациониот суд беше преиначена од првостепената, во корист на човек фирмата.
Министерството за случајот било известено по службена должност, а Николовски вели дека известувањето кое го добил покажало во каква лоша состојбата е македонското судство.
Тој очекува Обвинителството да постапи по овој предмет и да се расчисти овој случај, да се види кој судија од Апелација донел таква одлука и зошто е донесена ваква одлука.
За него е сомнително што Апелација во ист ден имала две различни изјави за случајот.
Владата е акционер во Македонски Телеком. Поседува 34,81% од акциите и златна акција и има свои преставници во Одборот на директори.