Од понеделник ќе има нов начин на издавање на готовите лични карти за граѓаните на Град Скопје, најавија од Министерството за внатрешни работи (МВР).
Истите ќе се издаваат во просториите на месно надлежните полициските станици според место на живеење на граѓанинот наведено во неговата лична карта.
-Секој граѓанин, ќе може да пристапи во било кој период од денот, секој ден од неделата, со цел да си ја подигне готовата лична карта, велат од МВР, од каде посочуваат и дека анализата на досегашната достава на личните карти на домашна адреса покажала дека истата е нецелосна, несеопфатна и недоволно ефикасна и дека го нема посакуваниот ефект и кај граѓаните и кај полициските службеници кои биле задолжени за достава.
ПОВРЗАНИ ВЕСТИ
Фото: МВР
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.