Во Давос, Швајцарија денеска започна 54. Светски економски форум, кој ќе трае до 19. јануари.
Дел од истиот се највлијателните светски политичари и бизнисмени, а Македонија ќе ја преставува претседателот Ствено Пендаровски.
Како што соопштија од неговиот Кабинет, тој ќе биде во Давос, утре и задутре (16 и 17. јануари).
Предвидено е да учествува на сесијата „Дипломатски дијалог за Западен Балкан“, на неформалниот собир на светски економски лидери „Враќање на вербата во глобалниот систем“ и на официјалната вечера „Градење на Европа на утрешнината“.
На годинешниот состанок на Светскиот економски форум во Давос ќе учествуваат над 100 шефови на држави и влади, претставници на водечките меѓународни организации, како и претставници на граѓанското општество, експерти, младински претставници, социјални претприемачи и новински куќи.
Фото: Кабинет на претседателот