На 82-годишна возраст синоќа почина Јанис Бутарис, поранешен градоначалник на Солун, Грција, кој е по потекло од Крушево и беше еден од ретките грчки политичари кои се вистински пријатели на Македонија.
Во земјава дојде неколку пати, а имаше средби и со македонски политичари и вистински работеше на зближување на двете земји, за што добиваше и критики во Грција.
Тој е син на винарот Стелиос Бутарис и Фани Влахос, Влаинка од семејството Ничота од Крушево.
Беше пријател и со македонскиот бизнисмен Штерјо Наков, со кого се знаеше од деведесетите години на минатиот век.
Роден на 13. јуни 1942 година во Солун.
Беше бизнисмен, политичар, енолог…
Дипломирал хемија на Универзитетот Аристотел во Солун, а магистрирал енологија на Институтот за вино во Атина.
Речиси 30 години работеше во семејната винарија „Бутари“, а во 1998 година ја формираше сопствената винарија „Кир-Јани“.
Фото: Влада